2017-imi kvartalip pingajuani 2016-imut kvartalip pingajuanut naleqqiullugu kinguppaat akii appariarput, saarulliit qalerallillu akii qaffariarlutik
Kalaallit Nunaanni Naatsorsueqqissaartarfiup aalisakkat akiinut naleqqersuutit 2017-imi ukiup affaanut siullermut tunngasut saqqummersippai. Aalisakkat tassaapput kinguppaat, qalerallit saarulliillu tunisassiat, 2010-mut oqimaalutarneqartut.
Agguaqatigiissillugu kiilumut akinik naleqqersuutinik naatsorsuinermi nunatta avammut niuernerani akit annertunerusumik atorneqarput, ilaatigut tunisassiortut anginerit akigititaannik tapertaqartarlutik. Tassa akinik naleqqersuutinut Kalaallit Nunaanniit annissinermi akigitinneqartoq atorneqarluni.
Aalisakkat naleqqersuinermi taaneqartut oqimaassusiisa katinneri 2010-mi oqimaalutaaneq malillugu oqimaalutarneqarput. Taamaasilluni naleqqersuummut oqimaalutaq aaliangersimasoq Laspeyres-mi taaneqartartoq atorneqarluni.
Aalisakkat akiinut naleqqersuut (2010=100)
Malugiuk: Kisitsisaataasivimmik kisitsisit takukkit http://bank.stat.gl/fin009
Aalisakkat akii agguaqatigiissillugu 2016-imi kvartalip pingajuaniit 2017-imi kvartalip pingajuanut ima nikeriarsimapput:
· Kinguppaat akii 8 procentit missaanik appariarput.
· Qalerallit akii 9 procentit missaanik qaffariarput.
· Saarulliit akii 6 procentit missaanik qaffariarput.
Kalaallit Nunaanni Naatsorsueqqissaartarfiup nittartakkamini http://bank.stat.gl/FIN009 –mi tamanut saqqummiussaani naleqqersuutit ineriartorneri takuneqarsinnaapput.